جرمني-پښتو قاموس

Posted by & filed under .

Danishpress books

د خپرندويې ټولنې يادښت


تل راته پر هغه او دغه كتاب د سريزې ليكلو ويل كېږي، خو زه او پلمې له دې كبله غبرګ ګرځو، چې له ستاينو څخه مې خوا ګرځي. هلته مې قلم د داسې څه ليكلو ته تخنېږي، چې نور يې په اسانه نه شي ليدى او دلته مې زړه درزېږي، چې د چا تندى تريو نه شي.


دا ځل د ليكوال له غوښتنې پرته په خپل زړه د هغه لېونۍ مينې، هېواد پالنې، پښتو پالنې، شپه روڼۍ، زيار، ستړيا او… په په پار، چې ددې كم ساري پوهنيز نښير تر شا دي، ښى لاس د سلامۍ په دود پر ټنډه ږدم.


ښاغلى ډاكتر اكرم ملكزى د هغه څو ګوتشمېر كسانو څخه دى، چې له هر ډول تمې، نوم يا كومې بلې غوښتنې پرته يې خپل ژوند او شته د پښتو او پوهې په لار كې نذرانه كړي دي. په دې ستر سيند يې له خپله جېبه شا و خوا نيم ميليون يورو چې څه د پاسه ۳۳ ميليونه كېږي لګښت كړى او هغه مهال، چې د Buske په نوم د كتاب لومړني الماني خپرندوى ورته د ليكباړې )حق التاليف( وړانديز كړى دى، هر څه يې په دې اړ )شرط( وربخښلي، چې دى به په خپل هېواد كې خپلو بې وزلو هېواوالو ته د كتاب د بيا ځلي چاپ واك ولري تر څو هغو يې په اسانه ترلاسه كړى شي.


دې زبر وګړي )ابرمرد( دا دى دويم چاپ ټولې رښتې او له پېرپلور څخه يې ترلاسه كېدونې ګټه د دانش خپرندويې ټولنې له لارې زما فارسي، پښتو، انسايكلو پېډيا سيند)Bahij Persian Pashto Encyclopedic Dictionary(ته وبښله تر څو ليكنې بهير يې چټك شي. په رښتيا چې د دستار سړي په شمار دې.


 


په ژوند، هوډ  او په قلم يې بركت


ډاكټر عبدالحميد بهيج


۱۷/ ۳/ ۱۳۸۸ل